Parte hartzaileek irailaren 8a baino lehen eman beharko dute izena. Gaia librea izango da, baina euskal kulturarekin edo Euskal Jaietako ohiturekin zerikusia izan behar du.
Ostegunero bezala, aste honetan ere haurrentzako emanaldia izango da, udako programazioaren barruan. Oraingoan Eriz Magoak emango du ikuskizuna, 18:30ean. Lege Zaharren enparantzan izatea aurreikusi bazen ere, eguraldia dela eta, Gaztelekuan izango da.
Sanz Enea kultur etxean erakusketa berri bat paratuko dute, uztailaren 12tik irailaren 16ra arte. Hain justu ere, Ana Romanen Lorik gabeko makina izeneko proposamen artistikoa ikusteko aukera izango da, egunero, 18:30etik 20:30era.
"Kapitalismo berantiarra eta beste krisi batzuk" izeneko lana ekarriko dute gurera.
Udako Musikaldiak 30 urte beteko ditu aurten, eta horregatik kontzertu berezia egingo dute abuztuaren 24an. Umeentzako ipuin musikatuak ere antolatu dituzte aurrenekoz.
Larunbat honetan abiaraziko dituzte festak, Azken Portuko mus txapelketarekin. Jai egun nagusiak abuztuaren 10etik 12ra izango dira, era guztietako ekitaldiekin.
Irailaren 9ra arte ikusteko aukera egongo da 2016ko Txopitea Bekaren irabazlearen lana, Torre Luzean.